Opera Mini 4.1

Мојот (а можеби и на 44 милиони луѓе низ светот) омилен мобилен Веб прелистувач, Opera Mini, ја достигна својата 4.1 верзија.

Во оваа најнова верзија на Опера Мини, “дечките“ од Opera Software ASA ни понудиле многу подобрувања и надоградувања на овој прелистувач како:

• Find in page – најди текст во страна, со едноставно притискање на # и потоа * на тастатурата од телефонот и потоа внесување на бараниот текст, може да најдете било каква информација со “брзина на светлината“ Многу корисно кога на пример барате некоја информација на Wikipedia и неможете да читате огромни страни со податоци.
• Download and upload files – за мене не толку корисна функција втората, но сепак во ОM 4.1 може да ги прелистувате фолдерите на вашиот телефон, со исто толку голема едноставност како и на вашиот компјутер, а доколку “качувате“ некоја слика на интернет, може да ја видете сликата како “thumbnail” (мало сликиче) за поголема едноставност. (оваа опција е достапна само за телефоните со JSR-75)
• Save it for later – зачувајте ја страната за подоцна – можеби најдобрата функција што досега излегла, поради скапиот МB што го нудат нашите мобилни оператори, може да си ја зачувате страната за подоцна (кога ќе имате малку, или пак воопшто нема да имате кредит) за да се потсетите и да ја утепате досадата. (исто така достапна само за телефони со ЈSR-75)

Исто така не смее да се заборави огромното забрзување на пуштањето на страните, поради надоградбата на серверите во Норвешка, страните се пуштаат за околу 50% побрзо во споредба со постарата верзија на Оpera Mini 4.0 што (барем јас) може навистина да го забележам.

Секогаш има место за подобрувања, па така има место за подобрувања и во оваа програма:

• Tabbed browsing – популарните “табови” или јазичиња се неизоставен елемент на секој Desktop прелистувач (дури и IE се приклучи во “трендот“ — иако многу доцна ) па сепак, се разбира, супер би било да има и во OM таков додаток, немора ништо премногу, дури и 2-3 јазичиња се доволни, а на телефони со помалку меморија, таа опција (нормално) да може да се исклучи.
• More zoom levels – повеќе нивоа на зум, сега засега има само 2, одзумирано (како на Desktop интернет прелистувач )- за да се погледне структурата на страната, и зумирано – за да може да се чита текстот на страната.

• PDF, DOC, XLS, ODT support – дури и најмала, рудиментарна, како што има GMail app

Доколку сакате да дознаете за веќе постоечките опции на Opera Mini, одете на овој линк.

Поздрав!

P.S. BTW, тој телефонот што го држи женската е Nokia 6300. Таков телефон и самиот поседувам